تحضير حلوة معسلة باللوز لذيذة و سهلة بالصور

المقادير
نصف كيلو دقيق

125 غرام زبدة (نصف ماركرينة)

معلقة كبيرة سكر كلاصي

شوية الملح

وماء الزهر باش تجمع العجينة

الطريقة

تدوبي الزبدة وتخلطي جميع المكونات حتى نحصل على عجينة ما قاصحة ما رطبة وتدلك مزيااااااااان وديريها في بلاستيكة وخليها ترتاح

العقدة ديال الكاوكاو او اللوز

كيلو كاوكاو

2معالق زبدة

معلقة صغيرة قرفة

نص كاس عسل

ما زهر

نحمرو الكاوكاو ونقشرو ونطحنوه مزيان ونضيف له باقي المكونات ونزيد الما زهر شوية بشوية حتى تجمع العقدة

نسرح العجينة رقيقة شوية وندير من الحشو حرابل ونحطها في جانب العجينة ونلوي العجينة على الحشو نقطع ما تبقى من العجينة ونبسطها شوية باليد
ونبدى نفلحها بالموس بشكل مائل ونقطع على حساب الطول اللي بغيتي ومن الافضل تمون صغيرة كتعطي منظر هائل
نحطها في لاطة الفرن وندخلها للفران يكون منقوص ونخليها طيب ما تخليهاش تتحمر
ومباشرة ديريها في العسل وخليها تصفى من فائض العسل ودريها في كويغطات
​

وبالصحة والراحة